Римде G20 саммиті жұмысын бастады. Кездесуге қатысушылар сенбі күні таңертең конгресс орталығына келді, деп хабарлайды ulysmedia.kz.
ria.ru-дың мәліметінше, саммитке қатысушы мемлекет және үкімет басшылары, ірі халықаралық ұйымдардың өкілдері конгресс-орталықтың кіре берісіндегі жалаулар тізбегіне апаратын қызыл кілемге автокөлікпен келді. Оларды Италияның премьер-министрі Марио Драги қарсы алды. Саммитке соңғы болып АҚШ президенті Джо Байден келді.
G20 көшбасшыларымен бірге он шақты медицина қызметкері: ақ халатты дәрігерлер мен жедел жәрдем қызметкерлері фотосуретке түсті. Олар денсаулық сақтау саласының өкілдерін қошеметпен қарсы алды.
Драгидің кіріспе сөзінен кейін қатысушылар «жаһандық экономика және денсаулық» тақырыбындағы бірінші жұмыс сессиясын бастады. Саммиттің негізгі тақырыптары: климат, пандемия салдары және оны қалпына келтіру болды. Атап айтқанда, дамушы елдердің вакцинация науқанын жүргізудегі және өз экономикасын қолдаудағы негізгі мәселелері талқыланады.
