Бүгін экс-министр Қуандық Бишімбаевтың соты жалғасып жатыр. Бүгін сотта жәбірленуші тарап - марқұм Салтанат Нүкенованың ағасы Айтбек Амангелді жауап беруде, деп хабарлайды Ulysmedia.kz.
Сот барысында Айтбек Амангелді Қуандық Бишімбаев пен Салтанат Нүкенованың арасы не үшін суығанын, ұрсыс қандай жағдайларда басталғанын айтып берді. Сонымен бірге, ағасы Салтанаттың бет-жүзі көгерген фотосуретін көрсетті. Жәбірленуші тарап Бишімбаевтың Нүкенованы сабағанын сол фотосурет арқылы дәлелдемек.
Айтбектің айтуынша, осы сурет өзіне жеткеннен кейін Бишімбаев екеуі төбелесіп қалған. Айтбек Салтанатты алып кетпек болған. Алайда Салтанаттың өзі кетуден бас тартқан.
