Танымал әнші Нұрболат Абдуллин өзінің Инстаграм парақшасында еліміздегі су тасқынына қатысты ойын ортаға салды, деп жазады Ulysmedia.kz.
"Үйі су астында қалған ағайындар жаппай мектептерге орналастырылған. Неге қонақүйге емес? Апартаментке немесе демалыс орталықтарына орналастыруға болады ғой. Халық үйі салынып біткенше не істейді? Соны ойлаймын. Омыраудағы бала, ата-әжелерге сондай қиын. Табиғи апат қаупі бар болсын, жоқ болсын әр қала, ауданға эвакуация пункттері салынуы міндетті деп ойлаймын", - деген пікір қалдырды әнші.
Бұған дейін әнші Жұбаныш Жексенұлы да су тасқынына қатысты өз ойын айтқан болатын.
