Министрдің айтуынша, қазір Мәжілісте түзетулер қаралып жатыр. Олардың арасында құрылыс салушылармен алдын ала шарттарға тыйым салу тетігі де бар, деп хабарлайды Ulysmedia.kz.
Өнеркәсіп және құрылыс министрі Қанат Шарлапаевтан G-Park компаниясы салып жатқан Астанадағы тұрғын үй кешендерінің дауы жайлы сұралды. Компания бірнеше көпқабатты үйді салымшыларға уәде еткен уақытта бере алмай жатыр.
Жауап
– Жалпы сұрақтың мән-жайы түсінікті. Бұл өте қарапайым: заңға қайшы келетін құрылысты тоқтату керек. Біз әзірлеген осы шаралар мәжілісте қаралып жатыр. Мысалы, алдын-ала келісімшарттарға тыйым салу тетігі бар. Бұл-үлескерлердің тұрғын үйді дұрыс заңды қаржыландыруын айналып өтудің негізгі құралдарының бірі. G-Park бойынша біз мәселенің қалай шешілетіні жөнінде ақпарат береміз. Бірақ тұтастай алғанда, бүкіл елде азаматтар құрылысты таңдауда жауапкершілікте керек. Егер нысанға кепілдік берілмесе, ол заңсыз салынады және алдын ала шарттар бойынша жасалады. Онда пәтер сатып алмаған дұрыс, - деді ол.
Тағы не дейді
Сондай-ақ, одан заңсыз салынған, бірақ 70 пайызға салынған үлескерлер мен тұрғын үй кешендері не болатынын сұрады.
– Менің ойымша, бұл тұрғыда бізде жеткілікті үлкен тәжірибе бар. Айта кету керек, бүкіл елде бірыңғай шешім бар. Әрбір нысан жеке қарастырылады, - деді Шарлапаев.
G-Park салымшыларының мәселесі
Еске сала кетейік, былтыр Астанада G-Park құрылыс компаниясының салымшылары «салған ақшамызды қайтара алмай жүрміз» деп, компания кеңсесіне жиналған еді. «Geneva 1», «Geneva 2», «Washington», «Dublin», «Lisbon 1», «Lisbon 2», «Lisbon 3», «Rio de Janeiro 3», «Vienna» және тағы басқалар. G-Park құрылыс компаниясы осы тұрғын үйлердің көбін уақытында бере алмай отыр. Алдын ала келісімшартта көрсетілген мерзім өткеннен кейін былтырдан бастап салымшылар компаниямен келісімшартты бұзып, салған ақшасын қайтару үшін өтініш жаза бастаған. Келісімшарт бұзылғаннан кейін шарт бойынша G-Park 60 жұмыс күні ішінде салымшыға ақшасын қайтаруы тиіс. Алайда салымшылар «компания ақшамызды қайтармайды» деп шағымданады.
Бүгін педагогтардың тамыз кеңесінен шыққан Астана әкімі Жеңіс Қасымбекке осы компаниядағы салымшылардың мәселесі сұралды.
«Біз бұл мәселені бақылауда ұстаймыз. Ұстап отырмыз да. Күнделікті компания басшыларымен кездесіп, мәселені талқылап отырмыз. Ол компания күнде ақшасын қайтарып жатыр, бірақ бір күннің ішінде 1 мың немесе 2 мың үлескердің ақшасын қайтаруға ақшасы жоқ. Бірақ күнделікті қайтарып жатыр. Менің білуімше, 1,5 мың адамға ақшасын қайтарған», - деді Жеңіс Қасымбек.
«Яғни ол компания салымшыларға ақшасын толық қайтарады деп ойлайсыз ба?» деген сұраққа әкім «меніңше, олардың күштері жетеді, қайтарады» деп жауап берген.
