×
459.75
494.14
5.54
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
459.75
494.14
5.54

«Парламентке келмеңіз»: Базарбек Шарлапаевты неге қатаң сынға алды

29.04.2024, 15:20
Коллаж: ulysmedia.kz.

Мәжілісмен Бақытжан Базарбек өнеркәсіп және құрылыс министрі Қанат Шарлапаевтың мәжілісте сөйлеген сөзі мен берген жауабына көңілі толмай, оны қатаң сынға алды. Депутат министр айтқан жоспар таудай боғанымен, қазір өзі айтып отырған жеті зауыт министрліктің назарынан тыс қалып, жабылу алдында тұрғанын айтады, деп хабарлайды Ulysmedia.kz.

Бүгін мәжілістегі үкімет сағатында Қанат Шарлапаев елдің өнеркәсіп саласын дамытудың жоспарын айтқан. Ондаған кәсіпорынды атап, бағалы металдар өндірісі еселеп артатынын жеткізген. Алайда министрдің бұл сөзіне депутаттардың бірі скептикалық көзқарас танытса, екіншісі тіпті ұрсып тастады.

– Сіздің есебіңіз келешегі зор! Сол есепті оқып отырсаң, тура сол елде өмір сүргің келеді. Бірақ неліктен адамдар біздің елде соншалықты нашар өмір сүреді? Егер бұл елде бәрі сіздің есебіңіздегідей керемет болса!? Сізді бұл сұрақ ойландырмады ма? – деп сұрады депутат риторикалық сұрақ қойып.

Базарбектің айтуынша, зауыттардың санитарлық аймақтарында тұрғын үйлер заңсыз салынып, соның салдарынан ірі зауыттар жабылу сатысына дейін жеткен. Құрылыс комитеті зауыттардың басына түскен іске, мәселеге уақытында жауап бермеген.

– Сіздің министрліктің әрекетсіздігіне байланысты 600-700 адамнан тұратын жеті ірі зауыт жабылғалы тұр. Сіз қай саланы қолдау жайлы айтып отырсыз? Кем дегенде "өлтіргіңіз" келетін біреуін қолдасаңыз етті, - деді депутат.

Министрдің сөзінен кейін Базарбек елдегі өнеркәсіптің жағдайы өте нашар екенін түсініп, өнеркәсіпті дамыту тұжырымдамасын әзірлеуді және инвестициялық жобаларға көзқарастарды қайта қарауды ұсынды.

– Мен бүгін үкімет сағатында депутаттарды құрметсіз бағалауға мүмкіндік беретін министрдің жауапкершілігі туралы мәселе көтеруді қалаймын. Егер министр мырза сіздің жүйкеңіз көтере алмаса, Парламентке келмеңіз,- деп түйіндеді ол.

Серіктес жаңалықтары