Қазақстан Сыртқы істер министрлігі дипломаттың әйелі Карина Мамашты елге жеткізу мәселесін шешті, деп хабарлайды Ulysmedia.kz.
Каринамен балалары бірге жеткен.
Ол күйеуімен, Қазақстанның БАӘ-дегі елшісінің кеңесшісі Сәкен Мамашпен ажыраспақ. Мүлікті бөліп, алимент өндіріп алу рәсімін жүргізуге, сондай-ақ оны жүйелі түрде азаптап, ұрып-соққаны үшін жауапқа тартқалы отыр.
Карина Мамаш жақында күйеуі оны 10 жыл бойы физикалық және жыныстық зорлық-зомбылыққа ұшыратқанын айтқан еді. Әйелдің айтуынша, бірнеше күн бұрын Сәкен Мамаш оның БАӘ-ге қонаққа келген үлкен әпкесін де ұрып-соққан. Дипломаттың әйелі ауруханада, ал балалары әкесімен бірге болған.
Осы шудан кейін Қазақстан Сыртқы істер министрлігі дипломат елге қайтарылатынын хабарлады.
