Оқу орнының мәліметінше, 12-ші сынып оқушысына шабуыл мектеп аумағында жасалмаған, деп хабарлайды Ulysmedia.kz.
НЗМ оқушы қызға жасалған шабуылға қатысты оқиға тіркелгеннен бері бірінші рет ақпарат таратты. Мектеп басшылығы зардап шеккен адам 12-ші сынып оқушысы екенін хабарлады.
Олар сондай-ақ шабуыл мектеп аумағында болмағанын әрі сабақтан тыс уақытта болғанын атап өтеді. Күдікті НЗМ оқушысы емес.
– Оқиғаның мән-жайын құқық қорғау органдары зерттеп жатыр, - деп хабарлады НЗМ.
Еске сала кетсек, Астанада Назарбаев мектебінде оқитын оқушы қызды пышақтап кеткен еді. Күдікті ретінде кәмелетке толмаған бозбала ұсталған. Астана қаласының қоғамдық денсаулық сақтау басқармасы оқушы қыздың жағдайы ауыр екенін хабарлаған еді.
