Қаржы нарығын реттеу және дамыту агенттігінің мәліметінше, барлық рәсімдік мәселелер жақын арада шешілуі тиіс, деп хабарлайды Ulysmedia.kz.
Агенттік басшысының орынбасары Олжас Қизатов катарлық Lesha Bank-тің Bereke Bank-ті сатып алу мәмілесі қашан аяқталатынын айтты.
Толығырақ
– Катар инвесторы Lesha Bank капиталға кіріп, біздің Bereke Bank-ті сатып алады. Процедуралық тұрғыдан біз жақын арада, осы айдың соңына дейін немесе келесі айдың басында катарлық инвесторлар тарапынан банк холдингі мәртебесін алуға арналған құжаттар пакеті ұсынылады деп ойлаймыз, – деді ол.
Қизатовтың айтуынша, осы құжатты алғаннан кейін Қазақстан тарапы Lesha Bank банк холдингіне мәртебе беру жөнінде мәселе шешіледі.
– Бұл мәселе шамамен осы шілденің соңында аяқталады деп күтеміз, – деді Қизатов.
Бұған дейін катарлық инвестор Bereke Bank-ті 65 млрд теңгеге сатып алғаны белгілі болған.
Хабарламаға сәйкес, Lesha Bank Қазақстандағы Bereke Bank-тің барлық жарғылық капиталын 65 миллиард теңгеге сатып алған, бұл ағымдағы айырбас бағамы бойынша 532 382 681 катар риалына тең.
