Қазақстандық бокс жұлдызы Геннадий Головкин алдағы жекпе-жегін ресми жариялады деп хабарлайды Ulysmedia.kz.
Орта салмақтағы IBF және IBO чемпионы Геннадий Головкин (41-1-1, 36 КО) WBA Super белбеуінің иегері Риота Муратамен (16-2, 13 КО) осы жылдың 29 желтоқсанында Жапонияда айқасатын болады.
Аталған нұсқаларды біріктіруге күш салатын отандық былғары қолғап шебері жанкүйерлеріне үлкен шоу жасауға уәде берді.
«Мен оған зор құрметпен қараймын», – деп пікірін білдірді Мурата болса, Головкин жайлы.
Еске сала кетсек, 18 желтоқсан, Тәуелсіздік мейрамына орай тағы бір Қазақстан боксының белгілі өкілі, Олимпиада чемпионы Данияр Елеусінов елордада чемпиондық атақ үшін таласқа түспек.
