Қаза тапқан Салтанат Нүкенованың ағасы Айтбек Амангелді бұрынғы ұлттық экономика министрі Қуандық Бишімбаевтың апелляция сотына байланысты пікірін айтты, деп хабарлайды Ulysmedia.kz.
Салтанат Нүкенованың ағасы не дейді
Бүгінгі апелляцияда Айтбек Амангелді Қуандық Бишімбаевтың бұрынғы үкімін күшінде қалдырады деп үміттенетінін айтты.
"Олар кез келген нәрсені қалауы мүмкін. Бүгін бәрі шешіледі деп үміттенеміз. Бүгін түстен кейін бәрі айтылар, есеп берілер, сөйлер. Бұл қысқа, алғашқы күндердегідей болмас деп үміттенемін. Менің ойымша, ешқандай өзгеріс болмайды. Бірақ егер олай болмаса, бізді Жоғарғы сот күтіп тұр. Сірә, олар сонда жүгінеді, олардың мұндай құқығы бар", - деді Амангелді.
Бишімбаевтың ісі
Еске сала кетейік, Астана қаласының қылмыстық істер жөніндегі ауданаралық сотында экс-министр Қуандық Бишімбаевтың ісі бойынша алдын ала тыңдау 11 наурызда басталды. Прокурор экс-министр ісінің мән-жайын айтып берді.
Ал Бишімбаев тағылған айыпты мойындамай, ашық сот өткізуді сұрайды. Оған "қинау" (110-баптың 2-бөлігі) және "аса қатігездікпен адам өлтіру" (99-баптың 2-бөлігі) баптарымен айып тағылған. Бұған қоса, Астанадағы "Гастро-орталық" директоры, Бишімбаевтың туысы Бақытжан Байжанов Салтанат Нүкенованың өліміне байланысты іс бойынша "қылмысты жасырды" деген күдікпен сотқа тартылып жатыр.
12 наурызда экс-министр Қуандық Бишімбаевтың ісі бойынша алдын ала тыңдау жалғасты. Бұл жолы да журналистер сот залына кіре алған жоқ. БАҚ тарапының базынасын сот қызметкерлері тыңдаған болғанымен, ешбір журналист сот залына кіре алмаған. Тіпті тілшілер полиция шақырып, сот әкімшілігі ақпарат алу құқығынан айырып отырғаны жөнінде арыз жазуына тура келген.
4 сәуір күнгі сотта Қуандық Бишімбаевтың адвокаты Лейла Рамазанова бүгінгі сотқа Салтанат Нүкенованың денесіне жасалған сараптаманы жарамсыз деп тану қолайсыз деп тану жөнінде өтініш білдірген. Судья бұл өтінішті қанағаттандырудан бас тартқан. Ал Бишімбаевтың өзі тергеу изоляторында өз-өзіне қол жұмсамақ болғанын мәлімдеді.
Прокурор Айжан Аймағанова Қуандық Бишімбаевтан ұрып-соққан жұбайына жедел жәрдем шақырудың орнына неге көріпкелге қоңырау шалғанын сұраған. Бишімбаев “бұл менің үлкен қателігім болды” деп жауап берді.
