АҚШ-тың қазіргі президенті Джо Байден өзінің сайлауға түсетін, я түспейтінін Жаратушының әмірімен байланыстырды деп хабарлайды, Ulysmedia.kz.
АҚШ Президенті ABC арнасына берген эксклюзивті сұхбатында тілшінің президенттік науқаннан шеттету мүмкіндігіне қатысты сұрағына Джо Байден “Егер бар әлемді жаратқан Құдай жерге түсіп, маған солай бұйырса, әрине орындаймын” деп жауап беріп, өзінің президенттік бәсекеден бас тартуын жақтаушыларды да бір түйреп алған сияқты.
Ал америкалық көшбасшы өзінің кезекті пікірталастағы сәтсіздігін қатты суық тиіп және ұшақпен ары-бері ұшудан шаршағанымен байланыстырды.
