2023 жылғы қаңтардан бастап прокуратура органдарына азаптаулар туралы істерді тергеп-тексеру жүктелген еді. Нәтижесінде, азаптаулар туралы арыздардың саны өткен жылы 2 есе, ал биылғы жылдың алты айы бойынша үштен бірге қысқарды, деп хабарлайды Ulysmedia.kz.
Бас прокуратураның хабарлауынша, мұндай істердің сотқа жіберілуі жақсарған.
“2023 жылы сотқа азаптаулар туралы 2 есе көп іс жіберілді, олар бойынша 4 есе көп адам сотталды. Биыл сотқа 33 лауазымды адамға қатысты 12 іс жіберілді. Азаптаулардың себептері мен жағдайларын жоюға бағытталған бірқатар шара қабылданды”, – деп жазылған хабарламада.
Мәселен, нақты нәтиже прокурорлар желідегі жағдайды бақылау мақсатында қосылған үздіксіз бейнебақылау жүйесі арқылы берілді.
Көрінбейтін аймақтар жойылды, ұстау және жеткізу процесін тіркеу үшін құқық қорғау органдарының қызметкерлерін бейнежетондармен жарақтандыру бойынша шаралар қабылданып жатыр.
Қылмыстың кеш анықталу себептері
Осы санаттағы істерді талдау мұндай қылмыстарды тоқтатуға негізінен азаматтардың тиісті арыздарды кеш беруі, яғни дәлелдеме жинау мүмкіндігі жоғалған кезде (бейнежазбаларды сақтау мерзіміаяқталғанда, куәгерлерді анықтау мүмкін емес), 2-6 айдан кейін немесе одан да көп уақыт өткен соң жүгінуі себеп екенін көрсетті.
Нормативтік акт өзгерістері
Былтыр желтоқсан айында азаптауларды уақтылы анықтау үшін нормативтік актілерге өзгерістер енгізілді. Олар прокурорларды барлық ұсталғандардан оларға рұқсат етілмеген әдістерді қолдану тұрғысынан жауап алуға, ал сот сарапшыларын кезекші прокурорларға азаптаулар туралы хабарлауға міндеттейді.
Қайда жүгінуге болады?
Қылмыстық қудалау органдарының барлық мекемелерінде кезекші прокурорлардың Байланыс телефондары орналастырылған. Олар бойынша азаматтар азаптаулар және тергеп-тексерудің рұқсат етілмеген әдістері туралы уақтылы арызбен жүгіне алады.
