1 шілдедегі жағдай бойынша Қазақстанда халыққа берілген несиелер 18,3 трлн теңгені құрап, маусым айында 2%-ға өсті (жыл басынан бері - 9,9%-ға өсті), деп хабарлайды Ulysmedia.kz Қаржы нарығын реттеу және дамыту агенттігіне сілтеме жасап.
ХАЛЫҚҚА ЖӘНЕ ЭКОНОМИКАҒА БЕРІЛГЕН НЕСИЕ
Халыққа берілген несиелердің өсуі тұтынушылық қарыздардың 2,8%-ға - 11,6 трлн теңгеге дейін, сондай-ақ ипотекалық несиелендірудің 0,7%-ға - 5,5 трлн теңгеге дейін өсуімен байланысты екені хабарланады.
Экономикаға берілген несиелер бір айда 2%-ға - 30,1 трлн теңгеге дейін өсті (жыл басынан бері 7,7%-ға өсті), оның ішінде ұлттық валютада - 1,5%-ға, 27,6 трлн теңгеге дейін, шетел валютасында - 7,4%-ға 2,5 трлн теңгеге дейін. Нәтижесінде теңгемен берілген несиелердің үлесі 91,6% құрады.
БИЗНЕСКЕ БЕРІЛГЕН НЕСИЕЛЕР
Маусым айында бизнес субъектілеріне берілген несиелер 2%-ға - 11,8 трлн теңгеге дейін өсті (жыл басынан бері 4,5%-ға өсті). Олардың құрылымында заңды тұлғаларға берілген несиелер 1,6%-ға - 9,8 трлн теңгеге дейін өсті (жыл басынан бері 1,5%-ға өсті).
ШОБ субъектілеріне берілген қарыздар 5,8%-ға - 5,9 трлн теңгеге дейін өсті, ірі бизнеске берілген қарыздар 4%-ға - 3,9 трлн теңгеге дейін төмендеді. Бұл негізінен банктердің бірінің осы санаттағы қарыздарды ШОБ қарыздары санатына қайта жіктеуімен байланысты.
Жеке кәсіпкерлерге берілген несиелер бір айда 3,8%-ға - 1,9 трлн теңгеге дейін өсті (жыл басынан бері 23,1%-ға өсті).
Маусым айында бизнес субъектілеріне 1,4 трлн теңге сомасында жаңа қарыздар берілді. Бұл 2023 жылғы маусым айымен салыстырғанда 11,1%-ға көп (2024 жылдың алты айында 8,2 трлн теңге сомасында берілді, бұл 2023 жылдың осындай кезеңімен салыстырғанда 19,8%-ға көп).
Өткен айда бизнес субъектілеріне ұлттық валютада берілген несиелер бойынша орташа өлшенген сыйақы мөлшерлемесі 19,6% (мамырда - 19,8%), халыққа - бөліп төлеуге берілген қарыздар үлесінің артуы нәтижесінде 17,5% құрады (мамырда - 19,3%).
МЕРЗІМІ ӨТКЕН ҚАРЫЗДАР
1 шілдедегі жағдай бойынша банк секторы бойынша 90 күннен асатын мерзімі өткен берешегі бар қарыздардың (NPL90+) деңгейі несие портфелінің 3,1%-ын немесе 988 млрд теңгені құрады (1 қаңтарда - 2,9% немесе 864 млрд теңге).
Бизнеске берілген қарыздар бойынша NPL90+ деңгейі 2,2% немесе 287 млрд теңгені, халыққа - 3,8% немесе 700 млрд теңгені құрады. Жұмыс істемейтін қарыздардың провизиялармен қамтылуы жоғары деңгейде сақталып, 70,9% құрайды (жыл басында - 75,9%).
