Англияның Саутпорт қаласында би клубында балалардың өлтірілуінен кейін мешіт маңында тәртіпсіздіктер болды, деп хабарлайды Ulysmedia.kz BBC-ге сілтеме жасап.
Тәртіпсіздіктер Hope of Hart балалар би клубына жасалған шабуылдан қаза тапқандарды еске алу рәсімінен кейін басталды. 29 шілдеде Тейлор Свифт әншіге арналған би кешінде қылмыскер пышақпен басып кіріп, үш баланы өлтірген. Шабуылдаушы ұсталды. Ол көрші Бэнкс қаласынан келген 17 жастағы жігіт болып шықты.
Полицияның мәліметі бойынша, исламға қарсы Англияның қорғаныс лигасының жақтаушылары арасындағы ұлтшылдар Саутпорттағы еске алу рәсімін жергілікті мешітке шабуыл жасау үшін себеп ретінде пайдаланған. Акцияға қатысушылар ғимаратқа кірпіштер лақтырып, жақын маңдағы көліктер мен қоқыс жәшіктерін өртеген.
Тәртіпсіздіктерге кедергі жасауға тырысқан 27 полиция қызметкері ауруханаға жеткізілді. Олардың тоғызы ауыр жарақат алған. Сондай-ақ үш полиция иті зардап шекті.
