Бір айдан астам уақыт бойы ашыққан Грузияның бұрынғы президенті Михаил Саакашвили түрмеде есінен танып қалды. Бұл туралы саясаткердің адвокаттарының бірі Бека Басылая айтты, деп хабарлайды ulysmedia.kz.
Sputnik Грузияның Telegram-арнасында Михаил Саакашвили түрмеде есінен танып қалғаны жазылды.
«Миша адвокаттарымен кездесіп болған соң сүрініп, құлап қалды. Одан кейін дауысы шықпай қалды, көзін ашпады. Олар оны көтеріп, алып кетті. Қазір қал-жағдайы қалай екенін білмеймін. Ол өзін өте жаман сезініп отырған болатын», - деп мәлімдеді адвокат Бека Басилая.
Кейін Саакашвили жансақтау бөлімінде жатқаны, денсаулық жағдайы тұрақталғаны белгілі болды.
