Астана қаласында екі тәулік бойы нөсер жаңбыр жауып, ірі бұршаққа ұласты. Осылайша елордада екі күнде 1,5 айлық мөлшерден астам жаңбыр жауды, деп хабарлайды Ulysmedia.kz.
Бұл туралы Астана қаласының әкімдігі хабарлады.
«Қазгидромет» мәліметінше, екі күн ішінде Астанада 48 мм жаңбыр жауған, айлық норма – 31 мм. Яғни, екі күн ішінде жауын-шашын мөлшері 1,5 айлық мөлшерден асып түсті.
“Коммуналдық қызметтер толықтай күшейтілген режимде жұмыс істеп жатыр. Қала бойынша 200 бірліктен астам арнайы техника жұмылдырылды, олар жергілікті орындарда су сору жұмысын жүргізіп жатыр, деп хабарланды қала әкімдігінің баспасөз қызметінен.
