АҚШ президенттігіне үміткер Дональд Трампқа тағы да қастандық жасала жаздады, деп хабарлайды Ulysmedia.kz.
Трампқа қауіп төніп тұрған жоқ
New York Post басылымы таратқан мәліметке сәйкес, АҚШ-тың құпия қызметі Дональд Трамп Флорида штатындағы Вест-Палм-Бичтегі гольф-клубынан шығып бара жатқан кезде бұталар арасынан әлдекімді байқап, атыс басталған.
Өкілдер палатасының мүшесі Марджори Тейлор-Грин қазіргі уақытта Трампқа ешқандай қауіп төніп тұрмағанын айтты.
Трамп оның маңайында болған атыстан соң қауіпсіз жерге орналастырылды. Әзірге басқа ақпарат жоқ, - деп жазды Х әлеуметтік желісіндегі парақшасында Марджори Тейлор-Грин.
Бұған дейін де шабуыл болған
Еске салсақ, АҚШ-та 13 шілде күні президенттікке кандидат әрі елдің бұрынғы президенті Дональд Трамптың Пенсильвания штатында өтіп жатқан сайлауалды үгіт-насихат митингі кезінде оған қастандық жасамақ болған еді. Кейін экс-президентті кім атқаны анықталған.
Мемлекет басшысы Қасым-Жомарт Тоқаев Дональд Трампқа жасалған қастандық жайлы жаңалыққа бейжай қарамай, пікірін білдіріп, оқиғаны қатаң айыптаған.
Оқи отырыңыз: АҚШ-тағы президент сайлауы: атылған құлақ жеңіс кепілі ме
