Бұл туралы фейсбуктегі парақшасында оның әріптесі – мәжіліс депутаты Айдос Сарым жазды, деп хабарлайды Ulysmedia.kz.
««Қазақ тілі» қоғамының құрылтайы белгілі қоғам және мемлекет қайраткері, Мәжіліс депутаты Берік Әбдіғалиұлын Қоғамның президенті қылып бірауыздан сайлады!» - деп жазды Айдос Сарым.
Құрылтайда сонымен қатар ашық дауыспен Анар Фазылжан мен Максим Рожин Халықаралық «Қазақ тілі» қоғамының вице-президенті болып сайланды. Қазіргі уақытта қоғамның VI құрылтайы Түркістанда өтіп жатыр.
