2024 жылғы 1-13 қыркүйек аралығында Қазақстанға 597 мың шетелдік турист келді, деп хабарлайды Ulysmedia.kz ҚР Туризм және спорт министрлігіне сілтеме жасап.
2024 жылдың алғашқы алты айында елге 566,5 мың шетелдік қонақ келген.
НЕ СЕБЕПТІ КӨБЕЙДІ
Қыркүйек айындағы туристер ағынының негізгі бөлігі екі ірі оқиғамен – V Дүниежүзілік көшпенділер ойындарын өткізумен және танымал әнші Димаш Құдайбергеннің концертімен байланысты.
ҚАЙДАН КЕЛДІ
Туризм және спорт Вице-министрі Ержан Еркінбаев туристер тек көрші елдерден ғана емес, сонымен қатар Қытай, Үндістан, Түркия, Германия және АҚШ-ты қоса алғанда, әлемнің шалғай бұрыштарынан келгенін атап өтті. Мысалы, қыркүйекте Қытайдан Қазақстанға 33 мыңнан астам адам, Үндістаннан – 6 мыңнан астам, Германиядан – 4 мыңнан астам, ал АҚШ – тан-2 мыңға жуық турист келген. Бұл Еркінбаевтың айтуынша, танымал туристік бағыт ретінде Қазақстанға деген қызығушылықтың артып келе жатқандығын айғақтайды.
Аталған елдерден басқа, туристердің едәуір бөлігі Оңтүстік Кореядан, Әзірбайжаннан, Моңғолиядан және Ұлыбританиядан келген.
ҚАЗАҚСТАНДА ҚАНША АҚША ҚАЛДЫРДЫ
EQonaq жүйесі бір аптада тек Астанада 12,4 мыңға жуық шетелдік турист тіркелгенін, ал олардың тұруға, көлікке, тамақтануға және ойын-сауыққа жұмсаған жалпы шығындары 15,5 миллион АҚШ долларын (7,5 миллиард теңге) құрағанын тіркеді. Алыс шетелден келген бір туристтің орташа құны шамамен 1500 долларды құрады. Сонымен қатар, Дүниежүзілік көшпенділер ойындарының қатысушылары Қазақстан экономикасына 625 мың АҚШ доллары көлемінде үлес қосқан.
Ұйымдастыру комитетінің мәліметінше, 250 мыңнан астам адам этноауыл іс-шаралары мен ойындарға қатысқан.
ЖАРТЫЖЫЛДЫҚТЫҢ КӨРСЕТКІШТЕРІ
Жартыжылдық көрсеткіштерге келетін болсақ, 2024 жылдың қаңтарынан маусымына дейін келген туристердің басым бөлігі – ресейдліктер. Шамамен 186,1 мың адам. Екінші орынды Қытайдан келген туристер – 69 918 адам, ал үшінші орынды Үндістаннан келген туристер иеленді (53 695 адам). Бестікке Түркия (30 312 адам) және АҚШ (19 597 адам) кірді.
