Халықаралық валюта қоры (ХВҚ) Украинаға 1,1 миллиард доллар көлеміндегі қаржылық көмектің кезекті траншын беруді мақұлдады, деп хабарлайды Ulysmedia.kz.
ҚАЙДА ЖҰМСАЛАДЫ?
Бұл қаражат Украина премьер-министрі Денис Шмигал мәлімдегендей, бюджеттің әскери емес шығыстарын жабуға жұмсалмақ.
Мұндай шешімді ХВҚ директорлар кеңесі 18 қазанда жалпы сомасы 15,6 миллиард долларды құрайтын Кеңейтілген қордың бағдарламасына (EFF) бесінші шолу аясында қабылдады.
ЭКОНОМИКАЛЫҚ БОЛЖАМ
ХВҚ Украинаның алдыңғы шолудан кейін белгіленген барлық көрсеткіштерге сай келетінін атап өтті. Ел экономикасы 2024 жылдың бірінші жартыжылдығында тұрақты өсудің, қалыпты инфляцияның және сыртқы резервтердің қолдауының арқасында тұрақтылық көрсетті.
Дегенмен, 2024 жылдың қалған бөлігі мен 2025 жылға арналған болжамдар энергетикалық инфрақұрылымға жасалған шабуылдар мен соғысқа байланысты белгісіздік салдарынан нашарлады.
БАҒДАРЛАМА МАҚСАТЫ
Украинаға арналған EFF бағдарламасы 2023 жылдың 31 наурызында бекітілді және экономиканы қалпына келтіруге, басқаруды жақсартуға және Украинаны Еуропалық Одаққа кіруге жылжытуға бағытталған.
Еске сала кетсек, бұған дейін Франция сыртқы істер министрі Жан-Ноэль Барро Париж Украинаның НАТО-ға кіруін талқылауға дайын екенін мәлімдегенін хабарлағанбыз.
Ал Қазақстан Президенті Қасым-Жомарт Тоқаев Astana Think Tank форумының пленарлық отырысында Ресей-Украина арасындағы қақтығысты шешу мәселесі жөнінде де пікір білдірді. Онда Мемлекет басшысы Ресейдің жеңілмейтінін, Ресей мен Украина Қытай мен Бразилия ұсынған жоспарға келісуі керек деп санайтынын жеткізген.
