Пентагон басшысы Киевке сапары кезінде Украинаға жаңа әскери көмек пакетін бөлетінін жариялады. Оған оқ-дәрілер, бронетехника және басқа да қару-жарақтар кіреді, деп хабарлайды Ulysmedia.kz.
400 МИЛЛИОН ДОЛЛАР ӘСКЕРИ КӨМЕК
АҚШ Украинаға 400 миллион доллар көлеміндегі кезекті әскери көмек пакетін ұсынатын болды. Бұл туралы 21 қазан, дүйсенбі күні Киевке жасаған сапары барысында АҚШ қорғаныс министрі Ллойд Остин мәлімдеді.
КӨМЕККЕ НЕ КІРЕДІ?
Украина президенті Владимир Зеленскиймен кездесуде Остин бұл пакетке қосымша оқ-дәрілер, бронетехника және басқа да қару-жарақтардың кіретінін айтты. Ол АҚШ-тың екіжақты қауіпсіздік келісіміне сәйкес Украинаға көмекті жалғастыратынын қосты.
Зеленский осы әскери көмек пакеті және АҚШ-тың Ресейдің ауқымды басқыншылығы басталғаннан бері көрсетіп келе жатқан қолдауы үшін Остинге алғысын білдірді.
АҚШ ПЕН УКРАИНА ЫНТЫМАҚТАСТЫҒЫ
Ллойд Остин 21 қазанда, АҚШ президенттік сайлауына екі апта қалғанда, Киевке күтпеген сапармен келді. Бұл Пентагон басшысы ретінде Остиннің Украинаға жасаған төртінші сапары, оның айтуынша, АҚШ пен әлемдік қауымдастықтың Украинаға қолдауын жалғастыратынын көрсету мақсатында жасалған.
ЗЕЛЕНСКИЙДІҢ ӨТІНІШІ
Украина президенті соңғы уақытта Батыс одақтастарынан жеткізілген қаруларды Ресей аумағының тереңдігіне соққы жасау үшін қолдануға қойылған шектеуді алып тастауды табанды түрде сұрап келеді. Сонымен қатар, Владимир Зеленский Украинаны НАТО-ға тез арада қабылдауға шақыруда..
