Осы аптада Испанияның шығысындағы су тасқыны құрбандарының саны жұмада Валенсия провинциясында ғана кемінде 202-ге жетті, деп хабарлайды Ulysmedia.kz.
Аймақ билігінің мәліметінше, кенеттен келген тасқыннан өзге аймақтарда кем дегенде тағы үш адам қайтыс болды.
Бұл су тасқыны Испанияның қазіргі тарихындағы ең жойқын деп танылды. Еуропаның бір елінде мұнша көп адамның өмірін жалмаған су тасқыны 1970 жылы Румынияда болған еді. Онда тілсіз жау 209 адамның өмірін қиған.
