"Самұрық-Қазына" Ақтөбе облысында «жайлы мектеп» құрылысында ақау болғанын мойындады, деп хабарлайды Ulysmedia.kz.
МӘН-ЖАЙЫ
Бірнеше күн бұрын БАҚ-та Ақтөбе облысы Кеңқияқ ауылында салынып жатқан жайлы мектеп құрылысындағы ақаулар туралы ақпарат шықты.
Соған орай "Samruk-Kazyna Construction" АҚ түсініктеме берді.
Басқарма төрағасы Мәулен Айманбетов Кеңқияқтағы нысан жұмысы тоқтатылғанын айтты.
Тексерушілер 7 және 11 осьтер бойынша А және Б блоктарының құрама іргетастарындағы жарықтарды; қабырғалар мен бөлімдерге әсер ететін осьтер қатары бойынша кірпіш қалаудағы жарықтарды; бетон монолитті белдеуі мен тірек жастықтарының беткі бұзылуын анықтады.
АҚАУ СЕБЕБІ
Ақаулардың себебі ыстық күнде бетонды дұрыс күтімге алмауынан болуы мүмкін.
Өндірістік жұмыстар журналына сәйкес, бетон конструкцияларын құю кезінде ауа температурасы +33°С болды, бұл жеткіліксіз күтіммен бетонның сапасына әсер етуі мүмкін. Мұндай жағдайда мердігер бетонның беріктігін қамтамасыз ету үшін қорғаныс шараларын қолдануы керек еді. Анықталған ақаулар үшін жауапкершілік басшылықты уақтылы хабардар етпейтін техникалық қадағалаудың жауапты өкіліне де жүктелуі мүмкін. Бұл нысандағы ерітінді жақын маңда бетон зауыты болмауына байланысты кармикс қондырғысында дайындалды, бұл стандарттарға сәйкес келмеуіне әкеп соқтыруы мүмкін, – деді "Samruk-Kazyna Construction "АҚ Басқарма төрағасы Мәулен Айманбетов.
"Samruk-Kazyna Construction" сонымен қатар 2023 жылы Кеңқиякта мектеп құрылысының басында бетон беріктігін өлшегіштің (ЖЗШ) көрсеткіштері бойынша 1,5 блокты монолитті белдеудің сәйкес келмеу фактісі тіркелгенін мойындады. Нәтижесінде мердігерге үш қатар блокты бөлшектеуге және барлық жұмысты қайта жасауға міндеттелді.
Қазіргі уақытта Кеңқияқтағы нысанда барлық құрылыс жұмыстары уақытша тоқтатылды. Инженерлік құрам да толығымен ауыстырылды. Мердігер тарапынан да, дирекция тарапынан да жоба басшылары мән-жайлар толық анықталғанға дейін міндеттерінен шеттетілді.
