Шанхай ынтымақтастық ұйымы (ШЫҰ) Израильдің Иранның әскери нысандарына жасаған шабуылынан кейін мәлімдеме жасады, деп хабарлайды Ulysmedia.kz.
ДЕРЕКТЕР
Мәлімдемеде ШЫҰ-ға мүше елдердің 2024 жылдың 26 қазанында Иран Ислам Республикасының әскери нысандарына жасалған шабуылды қатаң айыптайтыны айтылған.
МӘЛІМДЕМЕ
«ШЫҰ-ға мүше мемлекеттер халықаралық бейбітшілікке, қауіпсіздікке және тұрақтылыққа нақты қауіп төндіруі мүмкін Таяу Шығыстағы жағдайдың шиеленісуіне қатты алаңдайды», – делінген хабарламада.
ШЫҰ мүше мемлекеттер халықаралық құқықтың жалпыға танылған нормаларын, соның ішінде БҰҰ Жарғысында бекітілген нормаларды сақтай отырып, осы аймақтағы жағдайды тек саяси және дипломатиялық құралдар арқылы тұрақтандыру бойынша тиімді шараларды тезірек қабылдауды жақтайтынын жеткізді.
