«Қазгидромет» РМК 9-11 қарашаға арналған ауа райы болжамын ұсынды. Алдағы үш күнде тұрақсыз ауа райы сақталады, деп хабарлайды Ulysmedia.kz.
Синоптиктер болжамынша, Қазақстан аумағының басым бөлігін солтүстік циклон қамтиды, осыған байланысты ауа райының тұрақсыз сипаты сақталады: қар жауады, батыс және оңтүстік өңірлерде жаңбыр, қар боран және көктайғақ болады.
Елдің басым бөлігінде екпінді жел соғады, күші 15-29 м/с. 9 қарашада түнде Қостанай облысында, 10-11 қарашада республиканың шығысында қатты қар жаууы болжанып отыр, – делінген хабарламада.
Республиканың оңтүстігінде күндіз ауа температурасы +8-13 дейін, таулы аудандарда +5 градусқа дейін көтеріледі.
