Ұлттық статистика бюросының мәліметінше, елде түрлі салаларда 9,2 млн адам жұмыспен қамтылған, деп хабарлайды Ulysmedia.kz.
ЖҰМЫСПЕН ҚАМТЫЛҒАНДАР
Ресм жұмыспен қамтылғандардың ішінде жалдамалы қызметкерлер – 7 млн адам (жалпы санның 76%), өзін-өзі жұмыспен қамтығандар – 2,2 млн адам (жалпы санның 24%)
15 және одан жоғары жастағы халықты жұмыспен қамту деңгейі 65,2%.
2023 жылғы 3 тоқсанмен салыстырғанда биылғы сәйкес кезеңде жалпы жұмыспен қамту 127,8 мың адамға, негізінен жалдамалы жұмыскерлер (104 мың адамға) есебінен өскен, өзін-өзі жұмыспен қамтығандар есебінен статистика 23,7 мың адамға артқан.
САЛАЛАР БОЙЫНША БӨЛІНІС
Жұмыспен қамтылғандардың ең көп үлесі төменгі салаларда:
Сауда – 16,7%
Білім – 12,9%
Өнеркәсіп-12,5%
Ауыл шаруашылығы – 11,8%
ЖҰМЫССЫЗДЫҚ
Жұмыссыздық деңгейі 448,6 мың адамды немесе 4,6% құраған. Жұмыс істемейтін және білім алумен немесе оқыумен айналыспайтын NEET жастарының үлесі – 6,4%.
2024 жылдың қыркүйек айының соңында жұмыспен қамту органдарына жұмыс іздеп жүрген адам ретінде 84,1 мың адам жүгінген. Жұмыспен қамту бойынша барлығы 54,2 мың іс-шаралар көрсетілген. 2,8 мың адам кәсіптік оқытуға немесе қайта даярлауға, біліктілігін арттыруға жіберілді, 2 мың адам қоғамдық жұмыстарға қатысты.
ҚР ЕХӘҚМ жұмыспен қамту органдарында 2024 жылғы қыркүйек айының соңына 298,9 мың адам жұмыссыздар ретінде ресми тіркелген. Тіркелген жұмыссыздардың үлесі 2023 жылдың 3 тоқсанымен салыстырғанда 0,2 п.т. түсті және жұмыс күшінің санынан 3,1% құрады.
