ULYSMEDIA.KZ Жаңалықтар

Абхазиядағы наразылық: оппозиция ел президенті отставкаға кетуге келіскенін айтты

Қалижан Бектемір

Бүгін, 23:55

Абхазиядағы наразылық: оппозиция ел президенті отставкаға кетуге келіскенін айтты

Фото: Sputnik

Абхазиялық оппозиционерлер президент Аслан Бжания өз қызметінен кетуге келіскенін айтты, деп хабарлайды Ulysmedia.kz.

Тағы да оқыңыздар

Абхазияда оппозицияны жақтаушылар Президент әкімшілігін де басып алды

КЕЛІССӨЗ ЖҮРІП ЖАТЫР

"Республика" Telegram-арнасының жазуынша, Бжания ел президентінің міндетін атқарушы етіп қазіргі вице-президент Бадра Гунбаны тағайындауды сұраған.

ОППОЗИЦИЯ ЕКІ ҰСЫНЫС ЖАСАДЫ

Дәл қазіргі уақытта үйлестіру кеңесі, Парламент депутаттары мен қазіргі президент арасында келіссөздер жүргізіліп жатқаны айтылады. Оппозиция екі ұсынысты алға тартты:

биліктен барлығы кетеді: президент те, вице-президент те, премьер де. Лаша Ашуба парламент спикері ретінде сайлауға дейін президенттің міндетін атқарады.
президент, вице-президент, премьер-министр кетеді. Президент барлық тараптарды қанағаттандыратын адамды міндетін атқарушы етіп тағайындайды.

Еске салсақ, бұған дейін Абхазияда оппозицияны жақтаушылар Президент әкімшілігін басып алғанын жазған едік.

президент отставка наразылық оппозиция абхазия