Сахнадан жоғалып кеткен, бір кездері қазақ эстрадасының жарқын жұлдызы болған Жеңісхан Момышев әлеуметтік желіде тікелей эфирге шыға бастады. Ол желіде оқырмандарымен әңгімелесіп, қазір қайда жүргенін айтты, деп хабарлайды Ulysmedia.kz.
Жеңісхан Момышев қазір Алматыда. Өзінің кеңсесі бар. Кинофильмдерге сценарий жазады. Комедия жанрындағы кинотуындыларға режиссер болған. “Өз мамандығы да сол. “Бизнес по казахски”, “Бизнес по казахски в Америке”, “Базар жоқ, Мексика” фильмдеріне режиссерлік еткен.
– 40-қа келген адамға ұқсаймын ба? Уақыт деген зымырап өте шықты ғой, – дейді ол оқырмандарымен сырласа отырып.
Тікелей эфирде ол оқырмандарына өзінің студиясын көрсетті. Әнші киножобаларда жүргенін айтады.
Режиссер, продюсер, клипмейкер Жеңісхан Момышев әртүрлі әншілерге 115-тен астам танымал музыкалық бейнеролик түсірген. Олардың ішінде" Билеп Ал", Wazabi – "Сен ЕМС", Айқын & Sin Frontera – Necesito және басқалары бар. Өзі де белгілі бірқатар хит-әндердің орындаушысы.
