Пәкістанның Хайбер-Пахтунхва өлкесі аумағынадағы Куррам ауданында болған қарулы қақтығыс салдарынан 33 адам ажал құшып, ондаған адам жараланды, деп хабарлайды Ulysmedia.kz.
Сүнит және шиит топтарының қарулы содырлары бір-бірімен атысып, үйлерді, дүкендер мен дүңгіршектерді өртеген.
Осыдан бірнеше күн бұрын шиит мұсылмандары мінген көліктерге белгісіз біреулер оқ жаудырып, 42 адам қаза тапқан. Бұл дінаралық қанды қақтығыстың орын алуына сүнит пен шиит жамағаты арасында шілдеде басталған жер дауы түрткі болып отыр.
Еске сале кетсек, 9 қараша күні Пәкістанның Белуджистан провинциясында қарасты Кветта қаласындағы теміржол бекетінде жарылыс болып, салдарынан 25 адам қаза тапқан.
