Энергетика министрі Алмасадам Сәтқалиев уақыт ауысқаннан кейін Қазақстанда энергия тұтыну мөлшері қалай өзгергені туралы сұраққа жауап берді, деп хабарлайды Ulysmedia.kz.
Мәжіліс кулуарларында журналистер министрден KEGOC деректері бойынша Қазақстанда энергия тұтынудың көлемі қаншалықты артқанын сұраған. Министр елдегі электр энергиясын тұтыну мөлшері артып келе жатқанын растады, бірақ оны "әл-ауқаттың жақсаруымен" байланыстырды.
– Жүйелік оператор әл-ауқат деңгейінің жақсаруына – қосымша электр құралдарының сатылып алынуына, халық санының өсуіне байланысты Қазақстанда тұтыну көлемінің артқанын тіркейді, - деді ол.
ШЫҢЫ – КЕШКІ УАҚЫТ
Сәтқалиевтің айтуынша, KEGOC жүйелік операторы ішкі станциялардың жұмысынан тұратын электр энергиясына деген жалпы қажеттіліктен туындайды.
– Яғни, бізде тұтыну мөлшері ең жоғары сағаттарда, яғни кешке көбейетіні белгілі. Электр энергиясының ең көп көлемін тұтынатын кезі де сол. Дәл осы кезеңде электр энергиясы неліктен сырттан сатылып алынатыны түсінікті. Мен оларды белгілі бір факторлармен байланыстырғым келмейді, яғни біз жалпы энергия балансынан шығамыз, — деп қосты ол.
Сонымен қатар, Сатқалиев энергия тұтыну "жөндеу науқанына" байланысты артқанын айтады. Ол жақында елімізде ГРЭС-те және жылу-энергетикалық орталықтарда күрделі жөндеулер жүргізілгенін атап өтеді.
– Қомақты ақшаны меншік иелері бөлді, республикалық және жергілікті бюджет қаражатынан қомақты қаражат аударылды. Қызметкерлердің жалақысы көтерілді. Бұл жөндеу кезеңінде осы станцияларды пайдаланудан шығаруды көздеді. Яғни, осы кезеңде шетелден электр энергиясы сатып алынды, - деді министр.
ЖАҢА УАҚЫТ БЕЛДЕУІ
Қазақстан биыл 1 наурыздан бастап жаңа уақыт белдеуіне көшіп, бүкіл елде уақыт теңестірілді. Алайда бұл барлық тұрғынға бірдей қолайлы болмай шықты. Қазақстандықтар тіпті уақытты кері қайтару туралы петиция жариялап, оған қысқа уақытта 50 мың қол жиналған. Мәжілістің бір топ депутаты да жаңа уақыт белдеуіне қарсы пікір білдірген.
Бірақ үкімет бірыңғай уақыт белдеуіне өтудің дұрыстығын қайталаудан танбай келеді. Сауда және интеграция министрі Арман Шаққалиевтің мәліметінше, қолданыстағы UTC + 5 сағаттық белдеуі Қазақстан аумағының көп бөлігіндегі табиғи күн циклдеріне сәйкес келеді.
Премьер-министрдің орынбасары Серік Жұманғарин уақыт белдеуінің өзгеруі қазақстандықтардың денсаулығына әсер етеді әрі электр энергиясын шамадан тыс тұтынуға алып келеді деген уәж расталмады деген.
