Интернетте iPhone 17 Pro және iPhone 17 ProMax модельдерінің жаңа дизайны, сондай-ақ смартфондардың шамамен қашан шығатыны жөнінде ақпарат пайда болды, деп хабарлайды Ulysmedia.kz.
iPhone 17 Pro және iPhone 17 PRO мax модельдерінде Apple титаннан бас тартып, алюминий жақтауына оралады. Бұл айтарлықтай өзгеріс, өйткені алюминий тек арзан модельдерде қолданылған, ал бұрынғы флагмандықтарда титан корпусы болған. IPhone 17 Pro және Pro Max-та алюминий корпусы артқы панельдің жаңа гибридті дизайнымен үйлеседі, оның үстіңгі жағы алюминийден, ал төменгі жағы шыныдан жасалған. Бұл құрылғыны жеңілдетеді, сымсыз қуаттауға әсер етпейді, деп хабарлады MacRumors инсайдері.
Оның айтуынша, iPhone 17 Pro және iPhone 17 PRO мax, iPhone 17 және iPhone 17 Air сияқты басқа модельдермен бірге 2025 жылдың күзінде шығады, деп хабарлайды Тhe Information. IPhone 17 Air басқалардан ерекше болмақ: оның әдеттегі SIM ұясы болмайды, тек Esim бар. Бұл Қытайдағы сатылымды шектеуі мүмкін. Сондай-ақ, модельде стерео динамиктер болмайды, ал процессор ең қуатты емес, арзан модельдердегідей A19 болмақ. Камера жалғыз болады. Ал 5G модемі ең жылдам желілерді қолдамауы мүмкін. Бұл қалыңдығы бойынша iPhone 6-мен салыстыруға болатын ең жұқа iPhone болмақ.
