Қазақстан Республикасы Туризм және спорт министрлігінде жыл сайынғы «Үздік-2024» сыйлығын марапаттау рәсімі өтті, деп хабарлайды Ulysmedia.kz.
ҮЗДІК МЕЦЕНАТ
Ауқымды іс-шарада министр Ербол Мырзабосынов «Жылдың үздік спорт меценаты» аталымы бойынша Жамба ату және арқан тарту федерациясының президенті Еркебұлан Сайдоллаұлын марапаттады.
Еркебұлан Сайдоллаұлы «Жамбы ату», «Арқан тартыс» сынды ұлттық спорт түрлерін дамытуға қосқан зор үлесі, спорт саласындағы адал еңбегі үшін марапатталды. Оның қызметі дәстүрлі қазақ спортының танымалдылығы мен қазақ спорт мәдениетін халықаралық аренада нығайтудағы маңызды қадам болған.
«Үздік-2024» сыйлығы жыл сайын Қазақстан спортының дамуына үлес қосып жүрген меценаттар, спортшылар мен жаттықтырушылардың еңбегін атап өтеді.
Еркебұлан Сайдоллаұлы туралы
«Alageum Electric» компаниялар тобының директорлар кеңесінің төрағасы Еркебұлан Ілиясов 2023 жылдың ақпан айынан бері садақ атуды көздейтін қазақтың дәстүрлі спорт түрі Жамбы ату федерациясын басқарады. Оның жетекшілігімен федерация бұл ұлттық спорт түрін жастар арасында белсенді түрде дамытып, танымал етіп келеді, республикалық және халықаралық деңгейде турнирлер ұйымдастыруға атсалысып жүр.
Сонымен қатар Сайдоллаұлы Арқан тартыс федерациясын басқарады, Көкпар федерациясының вице-президенті қызметін атқарады. Alageum Electric компаниялар тобының қолдауының арқасында федерациялар инфрақұрылымды жақсартып, Қазақстанның мәдени мұрасын сақтауға және дамытуға бағытталған іс-шараларды жүзеге асыра алды.
Alageum Electric компаниялар тобы туралы
Alageum Electric 14 ірі кәсіпорынды біріктіретін Қазақстандағы электротехника саласындағы көшбасшы компания. Олардың қатарында Кентау трансформатор зауыты, Asia Trafo, Орал трансформатор зауыты, Петропавл электротехникалық зауыты, «Электромонтаж» АҚ және т.б.
Компанияның өнімдері отандық және халықаралық сапа стандарттарына сәйкес келеді, Қазақстанның ішкі нарығында сатылады және ТМД және Таяу Шығыс елдеріне экспортталады.
ӘЛЕУМЕТТІК ЖАУАПКЕРШІЛІК
Ұлттық спортты қолдау – компанияның маңызды әлеуметтік бастамаларының бірі.
«Ұлттық спорт – біздің тарихымыз бен мақтанышымыз. Жамбы ату сынды пәндердің дамуы болмысымызды сақтап, ұрпаққа жеткізуге септігін тигізеді», – деді Еркебұлан Сайдоллаұлы.
Еркебұлан Сайдоллаұлының жұмысы мен Alageum Electric компаниясының қосқан үлесі Қазақстанның мәдени мұрасын сақтау мен ұлттық бірегейлікті ілгерілетудегі бизнес пен спорт арасындағы серіктестіктің маңыздылығын көрсетеді.
