Ақтаудағы ұшақ апатынан қаза болғандардың ішінде тағы бір жаңаөзендік азамат бар, деп хабарлайды Ulysmedia.kz.
Ulysmedia.kz порталының ақпараты бойынша, ол азаматтың есімі – Төлесінов Сәндібек Екібайұлы. Марқұм 1988 жылы 11 қарашада дүниеге келген. Тұрғылықты мекен-жайы: Маңғыстау облысы, Жаңаөзен қаласы.
Ол «МұнайФилдСервис» ЖШС-де еңбек еткен. Ол бұған дейін Ақтау-Баку бағытына ұшып кеткен.
Марқұмның артында жұбайы және 4 баласы қалды.
Ұшақта қаза болғандардың ішінде бұған дейін Қазақстанның бірнеше азаматы бар екені хабарланған. Олардың біреуі Ақтау, біреуі Қарағанды тұрғыны, тағы екеуі Астана тұрғындары – белгілі нотариус пен оның ұлы. Ал қаза болған жаңаөзендіктер саны осымен 2 адамға жетіп отыр.
ҰШАҚ АПАТЫ ТУРАЛЫ
25 желтоқсанда күні Ақтауда Бакуден Грозныйға ұшып бара жатқан Әзербайжанның ұшағы апатқа ұшырады. Премьер-министрдің орынбасары Қанат Бозымбаев ұшақ апатынан 38 адам қаза тапқанын ресми мәлімдеді.
Azerbaijan Airlines авиакомпаниясының деректері бойынша бортта 5 экипаж мүшесін қоса алғанда 67 адам болған. Жолаушылардың арасында: Қазақстанның 6 азаматы, Әзербайжанның 42 азаматы, Қырғызстаннан 3, Ресейден 16 азамат бар.
ТЖМ апатқа ұшыраған ұшақтағы адам саны туралы түпкілікті ақпаратты жариялады. Оқиға салдарынан 29 адам, оның ішінде 2 бала ауруханаға жатқызылды. Оның ішінде 15 Әзірбайжан азаматы, 9 Ресей азаматы, 2 Қырғызстан азаматы, 3 адамның азаматтығы анықталуда.
Ақтау маңында жергілікті ауқымдағы төтенше жағдай режимі жарияланып, кинологтар іске кірісті.
