Ливанның қауіпсіздік қызметі Сирияның бұрынғы президенті Башар Асадтың немере ағасы Дурейда Асадтың әйелі мен қызын ұстады, деп хабарлайды Ulysmedia.kz.
Оқиға отбасы жалған төлқұжаттар арқылы Бейруттен шығар кезде болған.
Дереккөздің хабарлауынша, Ливан соты жұма күні ұсталғандарды қамауға алу туралы бұйрық шығарған.
«Жұма күні Ливан соты Дурейд Асадтың әйелі мен қызының жалған шетелдік төлқұжаттары бар екені анықталған соң қамауға алуға бұйрық берді», - делінген хабарламада.
Дурейда Асад – Башар Асадтың ағасы Рифат Асадтың ұлы, ол бұрын сириялық шенеунік болған, бірақ кейін қызметтен кеткен.
Дурейда Асадтың әкесі Рифат Асад сириялық саяси элитаның көрнекті тұлғасы болды, бірақ Хафез Асад режимімен (Башардың әкесі) қақтығыстардан кейін ол Сириядан кетуге мәжбүр болған. Оның отбасы Еуропа мен Таяу Шығыста ұзақ уақыт қуғында өмір сүрді.
Жаңа билік
Сирияның жаңа басшысы болған Ахмед аш-Шара жақында берген сұхбатында бұл елдің соғыстан шаршағанын және көршілес немесе батыс мемлекеттеріне қауіп төндірмейтінін айтты. Сондай-ақ ол Сирияға қарсы санкцияларды алып тастауға шақырды. Әл-Шара мен оның жақтастары екі аптаға жетпей Башар Асад режимін құлатты.
Сирия
Желтоқсанның 8-іне қараған түні Дамаскіге үкіметке қарсы содырлар кіріп, Башар Асадтың биліктен кеткенін жариялады. Осыдан кейін Сирия аумағы бірнеше топтың билігіне өтті.
