Астанада Жақсылық Үшкемпіров атындағы «Жекпе-жек» сарайында Тәуелсіздіктің 30 жылдығына орай кәсіпқой бокс кеші өтіп жатыр, деп хабарлайды ulysmedia.kz.
Бокс кешінде қазақстандық Жаңқош Тұраров мысырлық Абдумомет Саидпен (Мысыр боксшысы) кезтесті. Кездесу бір минутқа да созылған жоқ. Бірінші раундта бүйірден соққы алған мысырлық боксшы нокаутқа ұшырап, кездесуді жалғастыра алмады.
Бүгінгі бокс кеші «Хабар» телеарнасының тікелей эфирінен көрсетіліп жатыр. Айта кетейік, кештің басты жекпе-жегінде қазақстандық Олимпиада чемпионы Данияр Елеусінов пен аргентиналық Хуан Эрнан Леао жартылай орта салмақтағы IBO чемпиондық белбеуін сарапқа салады.
