Германия билігі Еуропа одағы елдерін Башар Асад режимі құлағаннан кейін Сирияға қарсы санкцияларды қайта қарауға және ішінара жоюға шақырды, деп хабарлайды Ulysmedia.kz.
Бұл туралы 7 қаңтарда Financial Times (FT) және AFP дипломатиялық ортадағы дереккөздерге сілтеме жасай отырып хабарлады.
FT мәліметтері бойынша, неміс дипломаттары 2024 жылдың желтоқсан айының соңында ЕО елдеріне негізгі секторлардағы шектеулерді алып тастау туралы екі құжат жіберген. Олар:
AFP сонымен қатар Германияның ұсыныстарының арасында Еуроодақтың Сирия үкіметімен қаржылық операциялары жіби бастағанын хабарлайды.
AFP мәліметтері бойынша, бұл бастама Германияның сыртқы істер министрі Анналена Бербоктың 2025 жылдың 3 қаңтарында Дамаскіге сапарынан кейін талқыланған. FT, керісінше, ұсыныс СІМ басшысының сапарына дейін жасалған деп мәлімдейді. Бербоктың сапары маңызды оқиға болды, өйткені ол Германияның жоғары лауазымды тұлғасының Сирияға соңғы жылдардағы алғашқы ресми сапары.
Германияның негізгі мақсаты - Сирия экономикасын қалпына келтіруді ынталандыру және қарапайым азаматтар үшін гуманитарлық жағдайды жеңілдету. Бұл жағдайда ұсыныс санкцияларды толығымен алып тастауға қатысты емес, ақша аударымдары мен сауда сияқты нақты салалардағы қысымды шектеулі деңгейде жеңілдетуге бағытталған.
