Қазақстанда тағы бір жол ақылы болады: төлемі қанша

Жолда стационарлық төлем бекеттері болмайды, өйткені қазіргі ақы алудың ыңғайлы "ашық" жүйесі қолданылады. 

Шлагбаумдар болмағандықтан, көлік құралдары да кептелмейді. Бұл қосымша қауіпсіздікті қамтамасыз етіп, сапар уақытын қысқартады, - деп хабарлады министрлік.

ТӨЛЕМ   

Жол ақысы қолма-қол ақшасыз тәсілмен төленеді. Пайдаланушыларға ыңғайлы болу үшін төлемнің 10-ға жуық тәсілі қарастырылған: интернет-банкиң арқылы, төлем терминалдары мен электрондық әмияндар арқылы, телефон балансы арқылы, E100 отын картасы бойынша төлем, сондай-ақ заңды тұлғалар үшін шарт ресімдеу. 

• Бір бағыттағы жол жүру құны (454 км):
• 16 орынға дейінгі автобустар және жүк көтергіштігі 2,5 тоннаға дейінгі жүк автомобильдері: алдын ала төлем бойынша 2840 теңге, кейін төлем бойынша 3330 теңге;
• 32 орынға дейінгі автобустар және жүк көтергіштігі 5,5 тоннаға дейінгі жүк автомобильдері: алдын ала төлем бойынша 5750 теңге, кейінгі төлем бойынша 6740 теңге;
• 32 орыннан асатын автобустар және автопоездың жүк көтергіштігі 10 тоннаға дейінгі жүк автомобильдері: алдын ала төлем бойынша 8570 теңге, кейінгі төлем бойынша 10 100 теңге;
• жүк көтергіштігі 10 тоннадан 15 тоннаға дейінгі жүк автомобильдері: алдын ала төлем бойынша 11 470 теңге, кейінгі төлем бойынша 13 470 теңге;
• жүк көтергіштігі 15 тоннадан асатын, оның ішінде тіркемелері бар жүк автомобильдері, ершікті тартқыштар: алдын ала төлем бойынша 14 290 теңге, кейінгі төлем бойынша 16 830 теңге.

Жеңіл көлік иелері Қызылорда-Арал жолын тегін пайдалана алатынын атап өткен жөн. Жергілікті тұрғындарға ыңғайлы болу үшін айлық және жылдық абонементтер қарастырылған, - делінген хабарламада.

Жол 2025 жылғы 26 қаңтардан бастап ақылы болады.