Премьер-министрдің орынбасары, ұлттық экономика министрі Серік Жұманғарин салықтың көтерілуі тауарлар мен қызметтердің бағасына қалай әсер ететінін айтты, деп хабарлайды Ulysmedia.kz.
ИНФЛЯЦИЯ АРТАДЫ
Жұманғарин салықтың көтерілуі тауар мен қызметтердің бағасына қалай әсер ететіні әлі есептеліп жатқанын айтты.
- Мұны есептеп жатырмыз. Біз Ұлттық банк өкілдері, ірі кәсіпкерлер және сарапшылармен пікір алмастық. Олар арнайы макроқажылық модельдер арқылы есептейді. Бағаның көтерілуі тауарларға байланысты. Меніңше, күнделікті тұтынып жүрген тауарлар шамамен тек 5-6 пайызға артық көтерілмейді, алайда инфляция артады. Дегенмен ол да қысқа мерзімді ғана болмақ, яғни бір жылдық артық көтерілмейді. Оның үкіметке берері (ҚҚС) көп. Өйткені 6-7 трлн қосымша ақша үкіметтің даму бюджетіне барады, дейді Жұманғарин брифингте.
ТАРИФТІҢ ҚЫМБАТТАУЫ
Еске салайық, бұған дейін президент Тоқаев тарифтер қымбаттайтынын тұспалдаған болатын. Ол тарифтер нарық талаптарына сай болу керектігін айтты.
ТОҚАЕВ НЕ ДЕДІ
«Үкіметтің және жергілікті атқарушы органдардың күш-жігерімен біз энергетикалық және коммуналдық саладағы ауыр дағдарысты еңсердік. Енді Үкімет мұндай жағдайға жол бермеуге тиіс, - дейді ол.
Тоқаевтың айтуынша, жылу стансаларындағы апаттар елімізге абырой әпермейді, беделіне нұқсан келтіреді және бұл мемлекеттік қызметшілердің жауапсыздығы мен біліксіздігін көрсетеді. Аймақтарда коммуналдық шаруашылықтағы басшылық орындарда кәсіби мамандар емес, заңгерлер мен басқа да гуманитарлық сала өкілдері отыр.
