Қазақстандағы ҚҚС: кімдер үшін ставка 0%-ға дейін төмендейді

АНЫҚ-ҚАНЫҚ

Ұлттық экономика министрі Серік Жұманғарин кейбір салаларға ҚҚС сараланған (дифференциялды) мөлшерлемесі қолданылатынын мәлімдеді.

Кімдер жеңілдік алады?

• Ауыл шаруашылығы – өңдеу өнеркәсібін қолдау үшін ҚҚС 0% деңгейінде белгіленеді деп жоспарланып отыр.
• Фармацевтика – салық мөлшерлемесі 5%-ға дейін төмендетілуі мүмкін.
• Азық-түлік өндірісі – ағымдағы мөлшерлемені қалдыру немесе оны төмендету нұсқасы қарастырылуда.

Бірақ мұның бәрі талқыланып жатыр, егер біз алғашқы екі салаға қатысты өзіміз үшін шешім қабылдап қойсақ, қалғанын қарастырамыз. Бұл қандай әсер береді? Мұнымен айналысатын біздің уақытымыз да, жұмыс тобы да бар, деді министр.

ҚҚС

Еске сала кетсек, Премьер-министрдің орынбасары, ұлттық экономика министрі Серік Жұманғарин салықтың көтерілуі тауарлар мен қызметтердің бағасына қалай әсер ететінін айтты.

Бұған дейін экономист Айман Тұрсынқан ҚҚС-ты 20%-ға дейін көтеру төлем дағдарысына, бағаның өсуіне және бизнестің көлеңкелі экономикаға жаппай ауысуына әкелетінін ескерткен болатын. Оның пікірінше, қазіргі түрдегі реформа салық түсімдерінің ұлғаюын қамтамасыз етпейді, тек экономикалық тәуекелдерді күшейтеді.

Сондай-ақ белгілі саясаттанушы Санжар Боқаев ҚҚС-ты көтеріп, халықтың қалтасына түспей, «аға-көкелердің» мүддесін шектеу керек дейді.

Ал Тоқаев Жұманғаринге “Қателесуге қақыларың жоқ” деп ескерту жасады.

Қазақстандықтар жарияланған өзгерістер олардың күнделікті өміріне қаншалықты әсер ететінін талқылап жатқанда, Ulysmedia редакциясы кімнің ҚҚС төлеуден босатылатынын анықтауды жөн көрді.