Сарапшылар Қазақстандағы иммигранттар туралы есеп берді, деп хабарлайды Ulysmedia.kz
ҚАЗІРГІ ЖАҒДАЙ ҚАЛАЙ
Есепті Халықаралық көші-қон ұйымы жариялады. Құжатта Қазақстанға келген иммигранттардың жартысынан көбі (66%) Ресей Федерациясынан екендігі айтылған.
Сондай-ақ Украинадан 355 751 иммигрант(9,5 %), Өзбекстаннан 196 511 (7,9 %) және Беларусьтен 72 761 (1,9%), басқа елдерден 258 489 иммигрант (6,9%) келген.
ИММИГРАНТТАР КӨБЕЙЕ МЕ
Сарапшылар сілтеме жасаған ІІМ деректеріне сәйкес, 2023 жылдың тоғыз айында Қазақстанда 10 597 719 иммигрант болған.
Егер 2018-2023 жылдар аралығын алып қарасақ, иммигранттардың ең аз саны 2020 жылы (1 884 085 иммигрант) және 2021 жылы (2 660 725), COVID-19 пандемиясы кезінде тіркелді. COVID-19 пандемиясына дейін 2019 жылы Қазақстанда 6 124 232 иммигрант өмір сүрді, ал 2018 жылы олардың саны 5 960 333 болған.
Естеріңізге сала кетейік, бұған дейін Ulysmedia редакциясы Қазақстан азаматтығын кім және қалай алуға болатыны туралы материал жариялаған.
Бұған дейін сенатор Бибігүл Жексенбай Қазақстанда заңсыз көші-қон жағдайлары көбейіп келе жатқанын хабарлаған. Оның айтуынша, бұл елдегі басты мәселелердің біріне айналуы мүмкін.
