Наурызда қазақстандықтар қанша күн демалады

НАУРЫЗДА ҚАНША ДЕМАЛЫС КҮНІ БАР

Аптасына бес күн жұмыс істейтін қазақстандықтар – 14 күн демалады. Ал аптасына алты күн жұмыс істейтіндер үшін 10 демалыс күні бар.

2025 жылдың наурызында қазақстандықтар екі мемлекеттік мерекені атап өтеді: 8 наурыз – Халықаралық әйелдер күні және 21–23 наурыз – Наурыз мейрамы. 

Демалыс күндері сенбіге түсетіндіктен ел тұрғындарына қосымша демалыс күні беріледі.

8 НАУРЫЗДАҒЫ ДЕМАЛЫС КҮНДЕРІ

Халықаралық әйелдер күні сенбіге түседі. Сондықтан демалыс 10 наурыз, дүйсенбіге ауыстырылады. 

• Аптасына бес күн жұмыс істейтін қазақстандықтар – 8, 9, 10 наурыз демалады
• Алты күн жұмыс істейтіндер үшін – 8, 9 наурыз демалыс, 10 наурыз – жұмыс күні

НАУРЫЗ МЕРЕКЕСІНДЕ ҚАЛАЙ ДЕМАЛАМЫЗ

2025 жылы мерекелік күндер жұма, сенбі және жексенбіге түседі. Осыған байланысты демалыс күндері 24 және 25 наурызға (дүйсенбі мен сейсенбіге) ауыстырылады.

• Аптасына бес күн жұмыс істейтіндер – 21–25 наурыз аралығында (5 күн қатарынан) демалады
• Алты күнд жұмыс істейтіндер – 21, 22, 23, 24 наурыз демалады, 25 наурыздан бастап жұмысқа шығады