Қазақстандық блогерлерге қомақты сомада салық қарызы туралы хабаламалар келе бастады, деп хабарлайды Ulysmedia.kz.
Бұл туралы белгілі блогер және кәсіпкер Әлішер Еліκбаев өзінің Telegram арнасында жазды. Ол өзінің көптеген әріптесі миллиондаған теңге салықтық төлемдер алғанын атап өтті. Бірақ ол төлемдердің қалай есептелгенін ешкім түсіндіре алмайды.
Елікбаевтың айтуынша, салық органдары блогерлерге жаппай қарыз төлеу керектігі туралы хабарлама жіберіп жатыр. Кей жағдайда салық сомасы жүздеген миллион теңгеге дейін жеткен.
Барлық блогерлерге салық органдарынан «бақыт хаттары» келе бастады. Кейбіреулер 300 миллионов теңгеден астам салық төлемегені туралы хабарлама алды. Бұл олардың таза айналымы шамамен миллиард теңгеге жетті дегенді білдіреді, бірақ бұл шындыққа жанаспайды. Сөйте тұра мұндай сомаларды есептегенде нені негізге алғандығы белгісіз. Енді олар мұнша көп табыс таппағанын дәлелдеуге мәжбүр, – деп жазды Әлішер Елікбаев.
Сондай-ақ ол өзі де осындай жағдайға тап болғанын айтты. Салық органдары оған 5 миллионов теңге қарызы бар екенін хабарлаған. Блогер бұл сома бұрын өзі ұйымдастырған қайырымдылық шаралармен байланысты болуы мүмкін деп болжайды.
Екі рет донорлық бүйрекке, бір рет балалар хосписіне арналған реанимобильге ақша жинадық. Шамасы, салықшылар бұл түсімдерді кіріс ретінде есепке алса керек. Мән-жайды анықтаймыз, - деді ол.
Айта кетейік, 2024 жылдың жазында еліміздің Қаржы министрлігі 162 блогердің кірістері мен шығыстарындағы сәйкессіздікті анықтағанын хабарлаған. Ол кезде мәселе 1 миллиард теңгеден асатын сома туралы болған. Енді салық органдары нақты шараларға көшіп, қазақстандық инфлюенсерлердің табыс көзін тексере отырып олардан қарызды төлеуді талап ете бастады.
