Ақпаратты энергетика министрлігі таратты. Олардың айтуынша, шабуыл жасалағанын КҚК-да растайды, деп хабарлайды Ulysmedia.kz.
Министрліктің хабарлауынша, 2025 жылы 17 ақпанда Каспий құбыр консорциумының "Кропоткинская" ЖЗҚ мұнай тасымалдау объектісі БПЛА шабуылына ұшыраған. Жарылғыш заттардан басқа метал зақымдайтын элементтермен толтырылған жеті ұшқышсыз ұшақ террористік шабуыл жасаған. Шабуыл объектінің жұмысын бұзып қана қоймай, станцияның жедел қызметкерлерін өлтіру мақсатында уақыт аралығымен жасалды.
ЖЗҚ қызметкерлерінің арасында зардап шеккендер жоқ. Консорциум қызметкерлері мұнайдың төгілу қаупінің алдын алды. Залалды бағалау және станцияның жұмысын қалпына келтіру уақытын анықтау үшін бас директор Николай Горбан бастаған басшылық тобы келді. Қазір "Кропоткинская" ЖЗҚ жұмыс істемейді. Теңіз-Новороссийск құбыр жүйесі арқылы мұнайды тасымалдау ЖЗҚ-ны айналып өтіп, айдаудың төмендетілген режимдеріне көшті. Кубанның Кавказ ауданында орналасқан "Кропоткинская" ЖЗҚ Ресей Федерациясының аумағындағы ең ірі КҚК мұнай айдау станциясы саналады, – делінген хабарламада.
Халықаралық консорциумның барлық акционерлеріне, соның ішінде АҚШ пен Еуропадан келген компаниялардың өкілдеріне азаматтық объектіге ұшқышсыз ұшу аппараттарының лаңкестік шабуылы мен оның салдары хабарланды.
