«Оскар-2025» сыйлығы жеңімпаздары анықталды

Америкалық киноөнер және ғылым академиясының 2024 жылғы кинематография саласындағы жетістіктері үшін тағайындалған 97-ші «Оскар» сыйлығын тапсыру рәсімі 2025 жылдың 2 наурызында өтті. Бұл марапаттау «репрезентация және инклюзия стандарттарын» ескеріп өткізілген екінші рәсім болды. Аталған стандарттардың мақсаты – аз қамтылған нәсілдік және этникалық топтарға, әйелдерге, ЛГБТК+ қауымдастығының өкілдеріне, когнитивтік немесе физикалық ерекшеліктері бар жандарға, саңырау немесе нашар еститін адамдарға актерлік құрамда, түсірілім тобында, студиялық оқыту мен тағылымдамаларда кеңірек жұмыс мүмкіндіктерін ұсыну.

2025 жылдың наурыз айында стримиң сервистерінің ықпалын шектеу мақсатында жаңа ереже күшіне енді. Енді «Оскар» сыйлығына үміткер фильмдер кинотеатрларда кемінде бір апта көрсетілуі тиіс. Бұл прокат мерзімі 2025 жылдың 24 қаңтарында аяқталуы керек.

Рәсімді алғаш рет ирландиялық тегі бар америкалық комик әрі тележүргізуші Конан О’Брайен жүргізді.

2025 жылғы «Оскар» сыйлығының жеңімпаздары

• Үздік ер адам рөлі – Эдриан Броуди («Бруталист»)
• Үздік екінші пландағы ер адам рөлі – Киран Калкин («Нағыз ауырсыну»)
• Үздік екінші пландағы әйел адам рөлі – Зои Салдана («Эмилия Перес»)
• Үздік анимациялық фильм – «Ағын»
• Үздік қысқаметражды анимациялық фильм – «Кипарис көлеңкесінде»
• Үздік костюмдер – «Зұлым: Батыстың мыстаны туралы ертегі»
• Үздік түпнұсқа сценарий – «Анора»
• Үздік бейімделген сценарий – «Конклав»
• Үздік грим және шаш үлгісі – «Субстанция»
• Үздік монтаж – «Анора»
• Үздік қоюшы-суретші жұмысы – «Зұлым: Батыстың мыстаны туралы ертегі»
• Үздік ән – El Mal («Эмилия Перес»)
• Үздік қысқаметражды деректі фильм – «Оркестрдегі жалғыз қыз»
• Үздік деректі фильм – «Басқа жер жоқ»
• Үздік дыбыс – «Дюна: Екінші бөлім»
• Үздік визуалды эффектілер – «Дюна: Екінші бөлім»
• Үздік қысқаметражды көркем фильм – «Мен робот емеспін»
• Үздік операторлық жұмыс – «Бруталист»
• Үздік халықаралық фильм – «Мен әлі де осындамын» (Бразилия)
• Үздік саундтрек – «Бруталист»