Германия үкіметінің федералдық барлау қызметінің (BND) SARS-CoV-2 вирусының қайдан шыққаны туралы мәліметтерін құпия сақтау туралы шешімі сынға ұшырады, деп хабарлайды Ulysmedia.kz.
МӘН-ЖАЙ
Süddeutsche Zeitung және Zeit мәліметінше, неміс барлауы 2020 жылы COVID-19 пандемиясы Қытайдың Ухань қаласындағы зертханадан вирустың тарауынан басталған деген қорытындыға келді.
Журналистердің мәліметінше, тергеу федералды канцлерияның бұйрығымен басталған. Алайда, нәтижелерді алғаннан кейін Германия билігі есепті құпия ұстаған және оны пандемия аяқталғаннан кейін де жария етпеген.
Тергеу барысында BND ашық дереккөздерге және Saaremaa операциясы аясында жиналған ақпаратқа сүйенді. Атап айтқанда, Қытайдың ғылыми-зерттеу институттарының, соның ішінде Ухань вирусология институтының ғылыми жарияланымдары зерттелді. Материалдарда вирустарды жасанды түрлендіруге байланысты қауіпті эксперименттер туралы ақпарат, сондай-ақ зертханаларда биологиялық қауіпсіздік стандарттарының бұзылуы туралы құжаттар бар.
Дереккөздер Ангела Меркельдің канцлері кезінде BND-тің сол кездегі басшысы Бруно Калдың үкіметке барлау агенттігінің қорытындылары туралы жеке өзі хабарлағанын жеткізген. Алайда, бұл ақпарат ешқашан жалпы жұртшылыққа ресми түрде ұсынылмаған.
