Үндістанның Джамму мен Кашмир аймағындағы ғибадатханада кептеліс салдарынан кем дегенде 12 адам қаза тауып, тағы 13 адам жарақат алды, деп хабарлайды ulysmedia.kz.
tass.ru-дың мәліметінше, бұл туралы Үндістан қорғаныс министрі Раджнат Сингх хабарлады.
Оның айтуынша, оқиға түнде Вайшно-деви үңгір ғибадатханасында болған. Жанжал дұға етуге келгендер арасындағы кикілжің салдарынан туындаған.
Үндістан премьер-министрі Нарендра Моди қаза тапқандардың туыстарына 200 мың үнді рупий (2,7 мың доллар) және зардап шеккендерге 50 мың рупий (670 доллар) көлемінде өтемақы төлейтінін мәлімдеді.
