Бұл туралы блогер Аршат Ораз желідегі парақшасында жазды, деп хабарлайды Ulysmedia.kz.
ЖАСАНДЫ ИНТЕЛЛЕКТ ӘКІМ БОЛЫПТЫ
Блогердің айтуынша жасанды әкім пилоттық жоба. Қолынан көп нәрсе келеді екен.
“Эстонияның Куусалу деген қаласына жасанды интеллект әкім болыпты.Әзірше пилоттық жоба - Välk атты ЖИ. Қала бюджетін реттейді, түрлі мәселелер бойынша шешім шығарады, тұрғындарға тез жауап береді, жиналыстарға видео аватары қатысады екен. Айлық пен пара алмайды”- деп жазды Аршат Ораз.
Егер жоба сәтті болса өзге мемлекеттер де қолдануы бек мүмкін.
“Егер бұл стартап жоба сәтті болса, Латвия мен Финляндия да осы жүйеге көшеді екен келесі жылдан бастап.Қазақстанда мүмкін емес шығар?”- дейді Ораз.
КУУСАЛУ ТУРАЛЫ
Куусалу — Эстонияның Харьюмаа уезіндегі Куусалу волостының әкімшілік орталығы болып табылатын елді мекен. Ол Таллиннен шығысқа қарай 39 шақырым жерде орналасқан. Куусалу 1212 жылы алғаш рет аталған және 1241 жылғы Дат жер кітабында да кездеседі. Бұл аймақ тарихи және мәдени маңызы бар орындарға бай, соның ішінде Әулие Лаврентий шіркеуі — Солтүстік Эстониядағы ең көне тас шіркеулердің бірі.Сондай-ақ, Куусалу маңында Лахемаа ұлттық паркі орналасқан, ол Эстониядағы ең ірі ұлттық парктердің бірі болып саналады. Бұл жерде теңіз жағалауы, орманды алқаптар, батпақтар және тарихи мызғымас мүліктер бар.
ЭСТОНИЯ ТУРАЛЫ
Эстония – Солтүстік Еуропада орналасқан Балтық елдерінің бірі. Ол батысында Балтық теңізімен, оңтүстігінде Латвиямен, шығысында Ресеймен шекаралас. Елдің астанасы – Таллин. Эстония – әлемдегі ең цифрлық дамыған елдердің бірі. Мұнда интернет дауыс беру, онлайн мемлекеттік қызметтер кеңінен қолданылады.Ел аумағының 50%-дан астамы орманды жерлерден тұрады, сондықтан табиғаты өте көркем.
