×
504.34
556.34
5.97
#қаңтар қақтығысы #Украинадағы соғыс #жемқорлық #тағайындау
504.34
556.34
5.97

Миллиардер Джеф Безос 500 млн долларлық яхтада дүркіретіп той өткізбек

04.04.2025, 13:08
Миллиардер Джеф Безос 500 млн долларлық яхтада дүркіретіп той өткізбек
ашық дереккөзден

61 жастағы миллиардер болашақ жарына 2,5 млн долларға сақина алып берген, деп хабарлайды Ulysmedia.kz.

Amazon компаниясының негізін қалаушы, миллиардер Джефф Безос пен тележүргізуші Лорен Санчес 2025 жылдың жазында үйленеді. Бұл туралы Венеция қаласының мэрі Луиджи Бруньяро ресми түрде хабарлады.

Салтанатты шара атақты ғашықтар қаласында – Венецияда өтеді деп жоспарланып отыр. Безос пен Санчес арасындағы қарым-қатынас бірнеше жылдан бері БАҚ назарында. Енді олардың некесі ресми түрде тіркелмек.

Голливуд өлшемімен қарағанда қонақтар саны аса көп болмаса да, Джефф Безос пен Лорен Санчестің үйлену тойына шақырылғандардың тізімі – нағыз жұлдызды құрам. Той қонақтарының қатарында — Иванка Трамп, Опра Уинфри, Ким Кардашьян, Крис Дженнер, Кэти Перри, Ева Лонгория, Барбра Стрейзанд, Леонардо Ди Каприо, Карли Клосс пен Джошуа Кушнер бар. Сондай-ақ Blue Origin ғарыш компаниясының әйелдер командасының мүшелері, оның ішінде тележүргізуші Гейл Кинг те салтанатты кешке қатысады деп күтіледі.

Венеция мэрі Луиджи Бруньяроның айтуынша, қонақтар санының шектеулі болуы қала жұмысына елеулі кедергі келтірмеуге мүмкіндік береді.

Салыстыру үшін айта кетсек, 2014 жылы осы қалада өткен Джордж пен Амаль Клунидің үйлену тойына шамамен 150 адам қатысып, салтанатты кештің жалпы шығыны 5 миллион долларды құраған.

Безос пен Санчестің некелесу рәсімі де сән-салтанатымен ерекшеленбек. Қазірдің өзінде қаладағы бірқатар қонақүйлер алдын ала брондалып қойған. Ал құны 500 миллион доллар тұратын миллиардердің жеке Koru яхтасы той кезінде Венеция лагунасында тоқтауы мүмкін.