Ресей мен Молдова арасындағы дипломатиялық жанжал өршіді, деп хабарлайды Ulysmedia.kz.
МӘН-ЖАЙ
Ресейдің сыртқы істер министрлігі Молдованың Ресейдегі елшісі Лилиан Дарийге ресми наразылық нотасын табыстады. Бұл шара Молдова билігінің Ресейдің Кишиневтегі елшілігінде қызмет атқаратын үш қызметкерін «персона нон грата» деп жариялауына байланысты қабылданған.
МОЛДОВА ТАРАПЫ
Молдова тарапы олардың дипломатиялық мәртебесіне сай келмейтін әрекеттер жасағанын алға тартқан. Ал Ресей СІМ бұл айыптауларды негізсіз деп санайды.
- Ресейдің Молдовадағы елшілігі 1961 жылғы Вена конвенциясына сәйкес жұмыс істеп келеді. Сондықтан Ресей дипломаттарын Молдованың ішкі ісіне араласты деп айыптауға ешқандай дәлел жоқ, делінген Ресей СІМ хабарламасында.
РЕСЕЙ ЖАУАБЫ
Сондай-ақ, Ресей жауап ретінде «өзара дипломатиялық тепе-теңдік» принципіне сүйене отырып, Молдованың Ресейдегі елшілігінің үш қызметкерін елден шығаруға шешім қабылдаған.
- Олар біздің елден кетуі тиіс, деп мәлімдеді министрлік.
