Қазгидромет мәліметінше, 6 сәуірде Жезқазған, Балқаш, Ақтөбе мен Алматыда ауа сапасы нашарлайды, деп хабарлайды Ulysmedia.kz.
6 сәуірінде Қазақстанның бірнеше қаласында ауа ластануының күшею қаупі бар. Синоптиктердің мәліметінше, Жезқазған, Балқаш, Ақтөбе және Алматы қалаларында қолайсыз метеорологиялық жағдайлар (ҚМЖ) тіркеледі.
Қолайсыз ауа райы деген не?
Қолайсыз метеорологиялық жағдайлар – атмосферада ауа қозғалысының баяулауы, тұман, инверсия сияқты табиғи құбылыстар. Олар ауадағы зиянды заттардың таралуына кедергі келтіріп, қалдықтардың шоғырланып қалуына себеп болады.
Мұндай кезде:
• Тыныс алу қиындайды
• Жүрек-қан тамыр жүйесіне күш түседі
• Жеке көлікті аз қолдану, далада көп жүрмеу ұсынылады
АЛМАТЫ
Еске салайық, бұған дейін Алматы ең лас қалалардың рейтингінде көш басында жүргенін жазған едік. Алматы қаласы әлемдегі ауасы ең лас мегаполистердің тізімінде төртінші орында. Рейтингті нақты уақыт режимінде бүкіл әлем бойынша ауа сапасын бақылайтын швейцариялық IQAir компаниясы жасаған.
